話說早排J先生就拍左條片講層壓式推銷同埋夾公仔點相似啦,片中就講到夾公仔店只有場主呢D上層人士先可以賺到錢,而加盟嘅台主係好難賺到錢,告誡年輕人唔好輕易投資落去。先勿論佢用層壓式推銷嚟類比夾公仔行業適唔適合,但係可以見到佢想講嘅係夾公仔行業只有個場主有錢賺,而D台主係無肉食嘅。
跟住第二日就有個疑似夾公仔場主嘅人就出嚟爆啦,我諗本身呢條友拍條片個原意應該就唔係想爆,而係想洗白嘅,但點知就出事啦,片中佢話每月租金收入係$632500而分成翻俾加盟商之後就得翻$537625啦,扣埋人工開支,都未夠交租,言下之意就係蝕住做啦。
我心諗你點樣蝕住做啊?
大佬你6000蚊買部機返嚟,每個月收5500租,哇,咪仲好過你買層樓返嚟收租。你宜家一個月就回9成水喎。哦~原來佢所謂嘅蝕住做係計埋成間館其他業務,換言之就係靠夾公仔條數撐起成間館。哇,靠夾公仔條數撐起成間館咁都話唔好賺?睇翻佢個間館2萬5千呎,公仔機區佔3千5百呎 即係14%,咁你租金都應該計翻14%啦?佢話成間館八十幾萬,比夠90萬你,14%即係12萬6千啦,人工7萬,咩水電果D佢話當萬五,我俾夠5萬你夠未?加埋24萬6,每個月收入$537625扣左呢24萬6,仲袋$291625,唔使半年就回本兼有突。仲話蝕住做?跟住仲話係呢期加租到$7500,咁無良都有嘅?共度時艱加你租係咩玩法?呢條友真係洗唔翻白不突止,仲不知不覺透露左呢條發達大計出嚟!?
結論:發達大計-開夾公仔鋪做台主,揾人加盟收租,正!
*至多月租我計你平D收你$8000~
Search